噚日譚詠麟(阿倫)一連十三場嘅《銀河歲月40載》紅館騷尾場，請咗台灣天團五月天做嘉賓，阿倫同五月天第一首合唱係《愛情陷阱》，在台上唱歌時，阿倫帶住阿信及冠佑行全場，仲將收到嘅利是畀晒佢哋兩個，阿倫都唔係大細超又將利是放喺石頭嘅褲袋中，更拍其patpat一下。

阿信唱完《愛情陷阱》後，在台上講：「第一次在台上唱歌，收紅包，之前從未試過。」阿倫笑言：「吓!我日日都有，靠呢啲嚟維生。」

阿倫解釋係因為五月天第一次開演唱會，就有請自己做嘉賓，阿倫指：「今晚輪到我請佢哋嘞!」之後阿倫去後台換衫，五月天就在台上唱《突然好想你》，令全場high爆。