無官一身輕嘅前財政司司長曾俊華，今日宣布創立一間Startup，話要透過呢個初創企業，思考社會議題，但暫時仲有啲神秘，未見有具體內容。

薯片叔今日喺Facebook透過短片介紹佢嘅Startup名為「Esperanza薯片叔叔共創社」，片末顯示呢個共創社嘅Social Media Partner係Facebook。薯片叔話喎，Esperanza意思即係「希望」，盼帶來改變，「一個有目標，唔只係淨係為咗賺錢」。佢話想凝聚唔同地方、界別、階層、年齡同專長嘅朋友，就某一啲社會議題一齊思考，一齊建立新嘅聯繫，將香港融入世界嘅步伐，希望令人相信「我哋嘅生活可以不一樣」，就住不同議題諗解決方法。

人氣極高嘅薯片叔稱，離開政府後收到很多祝福（可惜在參選特首時，未有獲中央祝福...），令佢不斷地思考，點樣能將呢啲正能量，轉化成更大嘅力量。

立會補選新聞，《蘋果》一網睇晒
http://bit.ly/appledaily1125