市建局主席張震遠噚日同八方一大班行家食飯，最驚喜嘅係佢帶埋個細仔張緒德（Christopher）出嚟見吓世面。張主席呢位二公子身形上同老竇有少少似，都係山東人高高大大，不過二公子就瘦好多。初時各位行家見到二公子官仔骨骨，仲以為係市建局有新高層駕到。
其實christopher今年只得17歲，喺英國讀書，嚟緊升中七。不過佢同八方講，仲未諗大學時讀乜科好，但係應該會以理科為主，唔一定會接老竇棒從商。雖然成程飯局二公子都係唔多出聲，靦靦腆腆咁有啲怕醜，但係當俾一班行家追住問佢嘢時，佢又會有問必答頗有乃父之風。