【本報訊】有內地新移民連續四次參與反送中遊行，即使面對「藍絲」家人反對，仍不甘下一代的自由被剝削。

周太17年前由湖南移民來港，坦言丈夫是土生土長香港人，立場藍絲，反對她遊行，她是憑良心四度參加反送中遊行，「我需要保護我嘅小朋友。我睇住香港喺度變，收緊言論自由、白色恐怖」，她強調為下一代必須站出來，「我哋𠵱家都被人打壓得咁緊要，到我小朋友嗰一代，佢哋點算呀？連唞氣都唞唔到！」

「大陸用莫須有拉你坐監」

她指近期留意到武漢人民示威遭鎮壓，「有當地人話，有人叫佢哋簽同意書，每人500蚊，唔可以出聲，唔可以出去鬧事，佢哋上街都好唔容易」。

周太形容內地有權有勢就可以免刑責，殺人放火、貪污等罪名都可倖免，小市民卻隨時被人插贓嫁禍，「成日用『莫須有』拉你坐監，甚至命都冇埋。全世界有言論自由嘅地方都知道」。她批評內地只有人治沒有法治，大陸封鎖言論和消息，才令人民無法了解真相。

在內地工作的吳先生不滿香港政府漠視示威者訴求，要求成立獨立調查委員會徹查反送中衝突事件。他批評林鄭月娥從未真正聆聽年輕人聲音，面對過百萬人遊行仍無動於衷，以高傲姿態推行不得民心的惡法，「我哋欠咗6.12衝突事件嘅年輕人，冇佢哋嘅行動，政府會繼續推行呢條條例」。他不認為年輕人是暴徒，「𠵱家係官逼民反，係政府錯先」。

在內地工作令他參加示威有顧慮，但稱作為香港人，需要站出來表達不滿，雖然不贊成激烈抗爭，若發生衝突會盡力阻止，不過仍會在場聲援、保護年輕人，「唔會畀佢哋自己面對警察鎮壓，年輕人已經付出得太多」。
■記者王春怡、麥卓溢