現年41歲的周慧敏，比海口情敵張茆大足20年，年齡差距可做母女。自發出分手聲明後，不少人也為周慧敏不值，香港網民大多狠批倪震「賤男」，也有為周慧敏不願放手感到痛心，也有人取笑才子倪震在聲明中錯字連篇。

「大陸MM索過港女」

至於內地網民力數張茆自我炒作，更有人懷疑她在網誌內張貼的LV袋是假貨。不過力挺張茆的也不少，有網民說：「再一次證明大陸MM（指妹妹或美眉）索過港女多多聲。」
自戀又愛自拍的張茆，私相簿無數，不少網民收集其照片，以激情照、床照及艷照等名目整理成相簿，供人下載（網址﹕ http://club.ganji.com/14-410738.html及http://www.365view.cn/viewthread.php?tid=1064）
此外，疑為張茆的交友網「A茆茆」（ http://www.jingnei.net/space-5106.html）日前再度活躍，除新增多位網友外，又再度張貼她與倪震的兩張合照，以及講她初遇倪震那篇網誌「我真的很幼稚麼？」。
而她在新浪開設的博客「神奇的A茆茆」，雖然已人去「博」空，但截至昨日為止，點擊率達130多萬人次。
撰文：葉雪

《報料熱線》
各位讀者如有任何關於張茆感情生活、現況、去向或照片，歡迎電郵至mailto:[email protected]報料。

全城熱話
阿倫：年輕人邊個冇曳？

倪震被踢爆背着女友周慧敏和21歲城大女生張茆濕吻「偷食」，引起全城議論紛紛，男方最終知衰宣佈引咎分手，據聞他現在避走內地，Vivian則自日前發聲明表示和倪震回復朋友關係後亦一直未有現身。

譚詠麟：佢哋全部都過21歲，識自己照顧自己。其實要出事唔關飲唔飲酒，飲蘋果汁都可以出事，年輕人邊個冇曳過呀？我好欣賞份聲明嘅文筆，寫得好好。我唔信周慧敏嗰篇唔係佢自己寫，佢唔識字咩？

關楚耀：我細細個就係周慧敏嘅fans，𠵱家佢咁樣我都好心痛，我都唔想佢哋搞到咁樣，始終19年情真係好可惜，不過我個人立場佢都唔係個好男人。以前我拍拖時都試過女仔偷食，而我亦試過做過對唔住女朋友嘅事，所以𠵱家對女友都會好認真。

袁彌明：成件事白姐姐最通透，我覺得假分手可能係權宜之計，對大眾有個交代。係女人都覺得倪震衰，但周慧敏講得啱㗎，19年感情當中嘅嘢人哋唔會知，要佢自己判斷㗎。如果係我男友，我會即刻飛咗佢，我唔會揀沙沙滾嘅人，揀咗都會管好啲。

傅穎：我呢幾日喺北京拍戲，都喺朋友口中得知倪震同周慧敏分手，兼且我喺緋聞表中出現。當年我擔任校花校草選舉評判認識倪震，之後出書邀請佢幫我寫序，其實我哋都冇聯絡。人哋分手我唔方便講太多，但我絕對唔會做第三者。如果係發生我身上，會係好大打擊，我唔能夠接受男朋友咁。

HotCha成員Regen：我哋都係周慧敏fans，覺得佢分手好可惜，如果係好深愛對方就會畀機會佢，我以前男友都試過幾次一腳踏兩船，我次次都畀機會佢，最後都係散咗。