銅鑼灣開益書店昨日在臉書透露，實體書生意一落千丈，加上租金昂貴，維持下去「簡直難如登天」，又言情況若沒有大改善，結業這惡運似乎難以避免。本報找到開益負責人楊淑君，她指今年生意好差，收入按年跌七成！

生意淡薄源自多方面，楊直指「銅鑼灣都冇人」，自從誠品書店落戶於銅鑼灣，大書店書種多，加上兩間書店入書時間未必同步，「佢（誠品）有時係台灣直接攞返來。」導致流失部份客人。

受到自由行帶動，銅鑼灣租金升幅驚人，楊淑君表示，她們書店座落的那幢大廈升幅大，租約每兩年更新一次，最誇張是2010年，租金升幅近三成，去年續租租金升幅亦達一成。

除了競爭大，租金貴，讀者的消費模式亦有所改變，她坦言，電子書影響大，客人向她反映家裡沒空間放書，上網看完就算。同時，在智能手機發展下，年輕一輩少看書，「以前搭地鐵個個睇書，依家個個都揸住部手機，個個放工食完飯都碌facebook。」

面對經營艱難，開益揚言作出改變，打算在其facebook專頁，推出新書預訂服務「我可以肯定到個數，掌握到落幾多貨，唔使一嚟到就冇晒。」有關服務暫時只限於門市交收。至於郵購服務的盈利模式則有揣摩的空間，「我哋本身有折，折完畀你計返運費即係等如冇折過。」

掌握財經生活資訊，即Like「蘋果ATM」fb專頁啦！
http://fb.com/appledailyatm