當年今日

求驗客手記:約基當年媾女為隊友 - 求驗客

蘋果日報 2009/10/05 06:00


出書爆料就一定要有震撼性,最近出咗本自傳嘅曼聯喺千禧年代嘅「黑雙煞」前鋒約基,就喺自傳入面「訴苦」,為自己一向「花弗」形象解畫,話自己咁做都係出自一顆真摰「幫人」嘅心態,皆因一班已婚隊友唔方便出面識靚女,於是約基就為隊友「消災解難」,好慘咁做咗鏡頭面前嘅煙幕喎!我求大俠就唔評論約基「偉大」與否,只係覺得佢咁樣擺隊友上抬就唔係咁好,約基喺球圈出晒名花心,幾乎見女就媾,事實上邊有咁多隊友要咁多靚女呢!之不過覺得約基呢招自我宣傳唔錯,因為各大傳媒都會估吓究竟係邊個球星,又或者追訪約基繼續爆料,佢咪可以再搵「油水」囉!