【本報訊】據目擊爆炸經過的牛頭角下邨九座居民林先生昨形容：「爆炸時，好大陣黑煙從間空舖裏衝出，啲雜物飛到成條馬路上，有個警察傷到成身都係血，成條街滿目瘡痍，好似美國9.11咁恐怖！」他表示，爆炸時感到地面震動，雜物和玻璃碎片四處飛，與恐怖襲擊不相伯仲。

事後頻呼好彩

另一名在爆炸現場對面牛頭角下邨九座開五金店的盧先生則猶有餘悸地表示：「如果行慢幾步，我都可能被炸中。」他每天都會到附近中國銀行看股市行情，但昨日中銀因疏散而提早關門，他惟有到附近的淘大花園股票行去，但當他到達股票行不久即聽到一陣巨大而沉悶的爆炸聲，他跑出街外一看，不禁嚇到目瞪口呆，因為數分鐘前他才從爆炸現場走過。
「當時約中午十二點半，我喺偉景樓地下間中銀睇緊股票行情時，銀行職員話漏煤氣要閂門疏散，當時銀行裏面有三十幾人就陸續離開」。盧先生續說：「當時見到有差人同消防員四圍走，我左望右睇一陣，見冇乜事就行開。如果我八卦少少再留喺現場睇嘢，行慢幾步，我都可能被炸中。」盧生事後頻呼好彩。