美國男星班艾佛力（BenAffleck）喺超級英雄新片《BatmanvSuperman：DawnofJustice》扮演中坑版蝙蝠俠，仲會同亨利加維（HenryCavill）扮演嘅超人有開拖情節。

班仔個蝙蝠俠造型一早已曝光，佢唔單止身形脹，如無意外仲係一個中年危機兼發福版本嘅蝙蝠俠，比之前基斯頓比爾（ChristianBale）扮演《蝙蝠俠》年紀仲大一截。

班仔首度以戲中蝙蝠俠真身、富豪布魯斯韋恩嘅形象現身，佢着住整齊西裝係底特律開工拍戲，仲隱隱約約見佢兩鬢都晒白㖭。