由女神全智賢孖金秀賢拍攝嘅韓國神劇《來自星星的你》，於2013年播出後於亞洲各地爆紅，繼早前泰國購入劇集版權開拍泰版《星星》後，去年已有傳大陸嘅湖南衛視取得翻拍權，而且會於今年開機拍攝。

自從有指大陸翻拍《星星》後，先傳出女主角「千頌伊」一角由鄭爽主演，之後再傳由迪麗熱巴擔正演出，有指因為迪麗熱巴調皮可愛一面，跟「千頌伊」非常相似。而「都敏俊」嘅人選，就先後傳出有張翰、井柏然、韓國男團EXO前中國籍成員鹿晗等人。

網民大都支持由迪麗熱巴演「千頌伊」，除咗大讚迪麗熱巴樣靚同性格可愛外，又指佢曾演出翻拍自韓劇《她很漂亮》嘅《漂亮的李慧珍》，早已有翻拍韓劇嘅經驗。不過網民就唔多滿意由張翰演「都敏俊」，認為33歲嘅張翰似乎太大年紀。

更多韓流，喺晒《娛果》
http://fb.com/appledailyent