名模AnaR.同馬詩慧女兒王曼喜（Kayla）今日喺金鐘出席慈善活動，Ana是西班牙與韓國混血兒，媽咪大部份親人都住喺韓國首爾、釜山同濟洲。

講到韓國發現嘅新沙士（MERS）疫情嚴重，Ana表現擔心：「由韓國發現首宗個案，我已經有留意，我最擔心是住在當地的舅父和表親的兩歲女兒，因為舅父已經80歲了，我經歷過沙士，我已向他們說要保持自己安全，不要去人多地方，也不要握手。香港經歷過沙士也能生存，希望一切都會好過來。」

Ana指韓國人好友善同感性，當媽咪知道疫情緊張，都擔心都喊出嚟，佢話：「媽咪每日都擔心，我已聽她提及此事15次了，她很擔心家人，尤其是比她大10歲的哥哥。」Ana仲話媽咪年尾會從美國嚟香港，都希望韓國嘅家人可以一齊過嚟，全家聚在香港。