保良局主席蔡李惠莉、總理卓歐靜美及尹飛燕噚晚齊集文化中心音樂廳，參與《粵韻獻保良》何華棧名人名伶名曲演唱會。

燕姐更會獻唱棧哥歌曲《琴緣聚》，事關演繹別人嘅歌，燕姐直認有壓力，事前不停排練，佢話：「噚晚半夜先喺新加坡演出完返港，冇乜時間練，今次係冇乜信心，因為唔習慣唱別人腔調，我慣咗用自己腔調去唱，所以有少少緊張，曲譜都唔敢離手，咁先有安全感。」

年近歲晚工作開始忙，燕姐過往都習慣農曆年放假返加拿大探望女兒及當地嘅孫，但今年喺阮兆輝提議下，決定再於農曆年檔期開騷，燕姐又笑指屆時帶孫女「灰鼠B」上台跟大家拜年及收利是。燕姐指家中添咗小孫女「灰鼠B」後，屋企氣氛都特別歡樂，佢大讚孫女好得意，隨時拍醒她便會展露笑臉又唔會喊，非常討人歡喜。

精選娛聞，喺晒《娛果》
http://fb.com/appledailyent