Shine同RubberBand兩隊男子組合，今日齊齊喺海洋公園出席記者會，剛喺紅館完成兩場演唱會嘅Shine，坦言仍念念不忘，覺得好空虛，笑言有騷後失落症，而天佑近日更病倒：「但上到台會好啲，頭先喺台上聲又開咗，眼都精靈啲。」而又南想繼續學跳鋼管舞，二人台上赤裸上身演出迴響大，天佑指太太曾誤會佢哋個唱會唔着衫，天佑就解釋話：「綵排時未夾好服裝試衫，所以我哋係赤裸上身，太太以為我哋跳艷舞。」

另外，RubberBand 9月舉行音樂會，預計呢段時間會出唱片：「其實10年前9月我哋出第一張碟，想紀念一吓，見証10年創作路。亦會向前看，睇下有乜突破。」他們預計會為音樂會創作4款不同口味啤酒，代表成員們各自性格。

精選娛聞，喺晒《娛果》
http://fb.com/appledailyent