傑哥又讚張書記得體,重話喺大陸,好難有機會當面挑戰政治局成員,香港人算好威㗎啦,如果唔係中央拍咗板,張書記唔會咁放膽講。對於張德江發官威,馬丁就話當年屢見不鮮,佢成日俾周南黑住口面大鬧,然後放聲大笑,後來都學到嘢,照辦煮碗。
雖然明知俾人監視,馬丁同傑哥都話喺白天鵝瞓得好好,傑哥星期六由西班牙畢爾包飛返香港(本來周五回港,因航班臨時取消被迫滯留,轉由巴塞隆拿經羅馬回來),第二日大清早就上直通車出發,當然攰到死,所以一瞓落床就呼呼入睡,瞓足七粒鐘。
成個團新聞最多嘅長毛,都因為啱啱去完英國考察所以特別辛苦,佢話阿牛本來勸佢杯葛廣東行,因為有個別傳媒好似《蘋果》冇得去,但係佢就認為好難講得通,所以出發之日叫朋友買咗籃蘋果送畀煲呔,諷刺佢辦事不力,後來送唔成就自己食。
爆料熱線:29290000、27860099
報料傳真:26239278
報料電郵:
[email protected]