【經營困難】唐韋琪才藝訓練中心蝕6位數字 自言唔知可以撐到幾時
蘋果日報 2020/03/31 16:59
唐韋琪Vikki
（攝影：林賓尼 ）
武漢肺炎全球肆虐，為了替前線醫護和香港人打氣，唐韋琪（Vikki）與16歲徒弟張若希（Cheyenne）創作了抗疫歌《與你同行》，今天她們在九龍灣為新歌錄音，事前做足消毒防疫。Vikki謂家姐、妹妹及妹夫均在醫護界工作，妹妹跟妹夫更是前線醫護，她說：「佢哋都好大壓力，係艱難嘅，佢哋喺屯門醫院工作，要輪班，自己亦有仔女，我哋唯有做好自己，會WhatsApp同佢哋打氣，而我亦有感而發，留喺屋企創作，分享一點正能量，鼓勵大家，希望在明天。」
另外，Vikki創立的才藝訓練中心由去年社會運動開始，至今大半年，生意大受影響，經營困難，蝕了6位數字，她說：「而家係零收入，每月要交4、5萬租，蝕緊6位數，因為學校有兩層，業主將上面嗰層減一半租，而家要靠自己維持，唔知撐到幾時㗎，但係要有希望，唔好怨天怨地，捱住先，希望可以捱出頭。」
採訪：羅慧敏
攝影：林賓尼
攝影：林賓尼
她們在九龍灣為新歌錄音，事前做足消毒防疫。
Vikki創立的才藝訓練中心由去年社會運動開始，至今大半年，生意大受影響。