喺聽日在港上映嘅《變種特攻：天啟滅世戰》（X-Men：Apocalypse）中，扮演「閃銀」嘅29歲美國男星EvanPeters，同金像影后茱莉亞羅拔絲（JuliaRoberts）姪女愛瑪羅拔絲（EmmaRoberts）拍拖4年來離離合合，佢哋最近又再度分手。

Evan同愛瑪喺2012年開始拍拖，一年後便訂婚，不過去年6月就取消婚約，再於兩個月後復合。有知情人士指他們今次係和平分手。

愛瑪於2013年曾於加拿大因與Evan發生爭執而被捕，不過Evan不提告讓愛瑪獲釋。愛瑪曾被拍到在新奧爾良街頭疑因壓力太大喪喊，Evan見狀馬上攬實安慰她，有消息人士指愛瑪為人甚富戲劇性。

另外，「閃銀」Evan同年輕版「靈鳥」SophieTurner今日同《變種特攻》導演白賴仁辛格（BryanSinger）喺北京宣傳，三人一齊做X手勢，亦獲贈戲中角色公仔。