盛傳懷孕喺美國待產嘅章子怡，神隱咗幾個月冇出席公開活動見人，佢之前幫新片《從天兒降》扮大肚宣傳，今日呢部戲喺北京舉行發佈會，身為製片人嘅章子怡就冇嚟。

會上記者當然有發問有關章子怡大肚嘅傳聞，問到導演魏楠點請得郁大肚嘅子怡拍攝，佢話:「當時我不知道她懷孕啊。」仲話:「而且不光是她，拍這個戲半個劇組都懷孕了，『從天兒降』嘛。」記者問佢點知道章子怡大肚，佢話係之前同子怡見面時得知，問佢有咩賀禮送俾對方，佢就話:「這個電影以及這個電影的票房不是正合適麼?」