對於港人生活空間收窄，市民張先生表示：「而家(居住空間)已經係可接受的最低限度，如果再細啲，生活已經無乜意義！我諗而家一家四口起碼都四、五百呎，咁叫正常！（市場唔少劏房推售？）唔一定要擁有一層樓，租都可以，負擔得起咪得！香港是自由經濟市場，不過形成咁嘅情況，政府應該要做啲野，始終政府要幫市民爭取理想嘅居住環境。」

市民蔡小姐表示：「樓市越來越高，市民越住越細，覺得市民會好辛苦囉，啲人會唔想返屋企，因為屋企細，寧願出街坐，係公園遊盪，好過屈係屋企咁細嘅空間。政府應該要做啲嘢囉，幫助年輕一代上樓。我覺得而家啲人麻木追求買樓，以為有層樓就無死啦，其實睇返好多年前，樓價唔係咁高峰，有屋住就ok，唔會好似而家搶到樓貴哂，我相信唔多唔少因為內地投資者來香港投資。」假設一家三口，你認為多少空間可以接受?她回應：「我覺得起碼要300零呎啦！期望呢，就起碼五、六百呎，算是合理水平。（那麼200呎呢？）就算我自己住，都有啲難受。」