當年今日
關於我們

香港學生:我都想知乜事

蘋果日報 2003/02/26 08:00


「不斷有香港家人打電話來,但我哋知道唔多,我都好想知究竟發生乜事。」正在北京大學考古文博學院修讀博士課程的本港留學生黃慧怡,在長途電話中對記者說。
已經在北大讀了兩年半的黃慧怡說:「我哋剩係透過BBS(互聯網報告板)、北大三角地討論區、新浪網先知道一啲情況。下午五點幾,學校出咗一份公告,但只得短短兩行字,話『事件尚在調查中』,可能你哋記者知道得重多。」

不斷接獲家人來電
她續說:「我哋喺北大寄宿嘅香港學生一共二、三十人,我哋唔係太清楚,但有討論過。大家都不斷接到香港嘅家人打電話嚟問情況。至於原因方面,聽聞係法輪功所為,但冇辦法確定,我都好想知係乜事,究竟係乜嘢人所為。」
她說:「我哋間中都會去農園打飯(買飯),十日之中,大約有一、兩日會去,嗰度地下係自助式飯堂,二樓係小炒貴啲,兩層都有一部超大屏幕電視機,大家可以邊食飯,邊睇足球、睇新聞。世界盃時,我哋成日去睇波。」
她說,事發的農園是北大「最popular(受歡迎)」的飯堂,最多人去那裏吃飯。從外國留學生聚居的勺園步行過去約需要五分鐘。
本報記者