方健儀自從冇做記者後，向多方面發展，今日佢喺跑馬地出席記者會，示範整皮革，佢話學咗幾年，間中會整啲禮物送俾老公。

稍後，方健儀會返娘家無綫主持節目，而之前佢做nowtv已做過嘉賓主持，訪問劉德華，佢話：「節目會講吓教育、文化等既題材，亦會訪問城中名人，其中一集會訪問劉德華，唔會問八卦嘢，主要係講有關拐帶兒童嘅問題，一齊反思呢個問題，好有心為社會發聲。」