應屆中學文憑試DSE彈出34C𡃁模女狀元，她是有「翻版蔡少芬」之稱、現年20歲的Donut成員陶嘉莹（Elise），上周三DSE放榜，報考6科獲34分的佳績，其中通識科更達5**，自幼志願當律師的Elise希望循序漸進，她在聯招申請表上，首選香港大學的工商管理學系，她待完成學士課程才考慮繼續修讀法律，聯招結果下月10日便會揭盅。　
Elise昨午獨自到夢想學府港大參觀，她進入校園便顯得很興奮，期待9月開課如願成為港大生，她說：「DSE過咗關，我鬆咗少少，但𠵱家最擔心聯招結果，我呢排都有失眠。」

評特首唔合格

Elise直認是書蟲，中學連續三年全級考第一的她自問讀書有法：「我係會由朝讀到晚，書不離手喺咁咪，不過一定唔會讀死書，我會將要讀嘅內容消化咗，再用方法記入腦，上堂時又必定留心抄筆記，補習班老師要我記嘅重點，一定全部背晒，臨瞓前又再熟讀一次，咁樣瞓醒就特別入腦。」
通識科獲5**的Elise，平日留心時事新聞，她說：「我會將示範內容，連佢一啲數字都背晒，我記數字有妙法，我會將啲數字諗吓佢哋有乜嘢關係，然後將佢哋化成口訣，咁樣就易記好多。」Elise都有留意特首梁振英的表現，她說：「十分滿分嘅話，佢只得四至五分，佢可以再做好啲。」如果要換個特首，Elise說：「我會揀美國總統奧巴馬，佢民望好，又親民，美國好自由。」
採訪：比華利
攝影：陳志嵐
場地：JAR