韓國女團TWICE嘅台灣成員周子瑜，因為被黃安檢舉係「台獨分子」而受到大陸網民打壓，前晚子瑜拍攝嘅道歉影片更進一步令事件火上加油，越搞越大。畢竟周子瑜只係16歲細路女，面對咁大嘅壓力，真係好難想像佢點面對。

噚日twitter就傳出有網民目睹子瑜去咗醫院，仲指佢精神狀態唔穩定，但消息未獲JYP事務所證實。不過網民已經好心痛，扯火鬧係JYP嘅錯。