【購買力強】
這趟搶金浪潮二十年來難得一見，周大福（1929）董事總經理黃紹基表示，近日曾遇上有客人無懼金價急挫，連日持續大手買入金條「溝貨」，不過他強調這種熱潮通常僅屬短暫，中長期銷情仍是要受整體經濟復蘇影響，故公司會維持今年上半年銷售「穩定度過」、下半年才見較快增長的看法。
黃紹基透露，本周一曾在周大福中環分店，遇上有客人以逾14萬元買了10両重的金條：「點知到咗星期二，金價已經每両跌咗成千蚊。不過，個客又再返嚟買多10両，用來溝貨，佢話當儲錢。好多地區客都出來買飾金，所以香港人潛在嘅消費力，其實真係好強。」

八十年代曾落閘應付人流

黃紹基表示，對上一次周大福出現搶金搶到「賣斷貨」，已經是八十年代尾、九十年初時的事。
他指，「嗰陣我仲喺旺角山東街分店工作，當時又係金價突然回落，我記得誇張到要落閘，限制人客排隊進來買金。嗰陣連飾櫃都冇金擺出嚟，因為一擺出嚟就賣晒。」
這種搶購熱潮通常維持不久，消費者更應留意自身需要及中長期金價走勢。「當金價長期走低，其實係對黃金銷情有唔好影響。好似1990年至2000年期間，黃金需求都冇乜大刺激。」
黃紹基表示，如果今次金價真的步入熊市，公司亦會調高珠寶銷售比例去應對：「不過影響都唔會好大，始終我哋係做首飾用家生意為主，節慶、嫁娶需求一定有。」
去年周大福把黃金對沖存貨比重下降至70%。黃紹基強調，調整並非是為了賭金價上升，而是純粹出於營運操作上的考慮，以免內地銀行一旦收緊信貸，會影響公司以黃金借貸（gold loan）進行對沖的持倉水平。