陳百祥出名牙擦，綽號「阿叻」係人都知。早排佢為咗無綫台慶公開挑機，結果衰咗仲死撐，成世認叻卒之出事。風水佬話人有三衰六旺，阿叻衰咗，連匹愛駒「莫己若」今晚出賽都輸到一敗塗地，1800米以上從未叻過，走去跑2200米，結果包尾返嚟輸近40馬位。隻馬唔知咩叫做瘀，不過佢主人見到跑成咁，就肯定唔多好受。