當年今日
關於我們

【富察皇后爆料】秦嵐承認有《延禧》外傳 撐吳謹言乖巧唔擺款

蘋果日報 2018/09/12 19:54

香港延禧攻略吳謹言令妃王冠逸富察皇后

《延禧攻略》裡面嘅富察皇后——秦嵐,今晚以一身全黑到尖沙嘴海港城出席化妝品牌活動,同場仲有好傾慕皇后嘅阿Sa蔡卓妍,同男神吳尊。
活動Call time係下午五點半,但秦嵐就差唔多七點左右才現身。受訪時秦嵐承認有關《延禧攻略》拍外傳一事,而且係拍《延禧》時已拍竣,但就冇佢份——因為富察皇后一早就死咗喇。
活動上,秦嵐全程非常斯文有禮,感覺親切。問佢鍾唔鍾意大家稱呼佢做「皇后」?佢笑笑口謂鍾意,亦都好鍾意富察皇后此角。
噚日秦嵐來港時,以短褲仔現身,有人話個look尚待改善,亦有人讚佢一雙長腿好白滑,秦嵐就話自己一向十分注重飲食,「要保持運動才有好身材,我每天也敷兩片面膜;如果要拍戲時,我也會在片場敷,因為那兒的燈光太傷害了。」
秦嵐仲話《延禧》真係帶挈咗佢多好多工作,香港此行,秦嵐聽日會接受周刊訪問,之後就返大陸,再去米蘭時裝周,工作排得密麻麻,一直排到十二月。累嗎?「其實很喜歡,感受到大家都很喜歡我。很感恩。」秦嵐笑言每日見到自己行程緊密,都覺得好感恩。至於今次活動酬勞是否傳聞中100萬,佢笑笑口話:「沒有。」冇咁少?「不是,是沒有那麼多。人不可以這麼貪心。」佢又話好想拍香港劇集,仲話:「我這一代是看TVB劇集長大,也很喜歡拍香港電視劇。」特別想同梁朝偉合作,亦都希望透過朋友向偉仔經理人劉嘉玲說項。溫馨回帶,之前秦嵐拍過亞視嘅《我和殭屍有個約會III》,飾演岳銀瓶一角。
講到令妃吳謹言被官媒指耍大牌,更傳出被封殺一事,秦嵐力撐對方絕對唔係咁嘅人。「這肯定是個誤會。她拍劇是很乖巧,可以感受到她作為一個新人的努力。由於她演宮女,地位很低,常常要跪,但她跪多少次也願意。她是一個很好的女生,可能是中間出了誤會。」
empty
攝影:沈健程
empty
大家等咗皇后差唔多個幾兩個鐘,先見到鳳駕。
empty
時裝look嘅秦嵐,有啲韓星味道
empty
empty
完全感受到阿Sa嘅喜悅
empty
阿Sa對眼真係發光0架
empty
引見吳尊?
empty
empty
阿Sa真係當秦嵐係皇后咁喎!
empty
吳尊提點秦嵐望鏡頭
empty
求設計對白
empty
empty
empty
empty
秦嵐拍過亞視嘅《我和殭屍有個約會III》,飾演岳銀瓶一角。(劇照)