背心肌肉男仗義出手對付滋擾職員的醉酒漢，卻同被警方拘捕指涉公眾地方打架，事件引來網上熱話。有網民替肌肉男不值，《蘋果》找到姓許肌肉男親身講述當時情況。他對《蘋果》表示，他到麥當勞買食物，其間見到對方（裇衫漢）在收銀處與男職員爭執，「一路鬧，跟住又同整包嘅阿姐嘈，女經理便介入」，他指女經理當時亦有禮貌向裇衫男表示「請問要啲乜？」惟有人大發脾氣，還繞過取餐處的矮門欲進內，「佢想入去唔知做乜，我就拉住佢」。

兩人發展成互相毆鬥，許坦言中拳，左眼被打中腫起，對方亦有中拳，兩人拳來腳往，最終由一名食客將他拉開，此時警員亦持盾牌及警棍趕至，兩人同涉公眾地方打架而被捕。對於因幫人而被捕，許坦言「下次會撳低佢，或者打到佢暈咗，等佢冇能力再攪事，不過，我諗都係撳低佢先。」他又稱自己出手純因不想任人魚肉，「唔通企喺度畀佢打咩？」若再遇同類事件，他明言「唔知下次會唔會（出手相助），但今次做咗！」

許身材健碩，他指平日有玩健身運動，但未有考牌做健身教練，由於父親患病，他現時主力照顧父親，暫未有工作。

你敢爆，我敢獎！ 即Call《蘋果》24小時爆相爆片熱線 ：63836568