【短片】【《激戰》張家輝都拜過師】郭思琳接受世界級柔術高手特訓誓怒打Hazel
蘋果日報 2016/05/13 06:00
蘋果香港即時唐紫睿Hazel娛樂郭思琳陳浩然ViuTV格鬥會旅遊MikePowers世界級柔術高手香港健美先生
攝影：陳志嵐- 郭思琳話跟兩位星級教練學習，真係練到喊。
- 斷頭台： 用胳膊從對手的後頸繞過，將其頭部壓下，在胸前固定迫使對手頭部供氧不足而窒息。
- 後頸鎖（俗名：迷暈鎖）： 一種絞技，在對手後方以手臂纏在其頸項，以壓迫對手的氣管和動脈令對方窒息，要破解此招非常困難。
- 腕挫十字固： 在立技狀態下跳起以雙腿夾實對方手臂後，即時轉變成十字固定，給予肘關節壓力。
- 木村鎖： 用手捉緊對方手腕，另一手臂由外到內穿過對方腋下，再捉回自己的手腕，施力把對方的手臂向後折，令肩膀受壓，通常在半防衞時使用。
- 雙腿抱腿摔： 捉住對手雙腿，把他抱起後摔倒於地上，能快速把戰鬥帶到寢技，是非常常見的摔技。
- 蹲低起身： 做蹲低起身動作，加上槓鈴杆增加負重量，可鍛煉全身肌肉，有助心肺及爆炸力。
- 提臀煉腹： 將上半身躺在椅背上，以腳踭作支撐點，將臀部慢慢向上提高，可在髖骨位置放上槓鈴杆增加負重量，鍛煉臀、腹及腰背下及小腿位置。
- 煉爆炸力： 將手貼住肋骨，前後腳穩定作半蹲狀，使勁一下推起鐵桿，有助直拳的爆炸力。
- 轉手山拳： 用重力帶綁腰，後腳盡量向下，跳步一、二然後轉手出拳，但步幅不用太大。
- 躺地舉重： 全身躺在地上，單手舉起啞鈴，借用腹部力向上推，但手要直，另一隻手肘可作為輔助，此動作主要訓練腹肌，打MMA時亦可以此動作反擊。
- MikePowers 教BJJ經驗：逾10年 曾獲獎項：3屆USNationalBrazilianJiuJitsu冠軍與PanAmerican金牌得主，及擁有2ndDegree巴西柔術黑帶名銜。 曾指導藝人：張家輝、彭于晏、郭思琳
- ColaChan 教重力訓練經驗：9年 曾獲獎項：2014全港健美錦標賽的男子古典健美身高低於或等於170m+3kg組別冠軍及最佳造型、2015全港健美錦標賽的男子古典健美身高低於或等於170m+3kg組別亞軍，多屆健美先生冠軍。 曾指導藝人：鄭融，鄭希怡、KevinBoy
經過連場激戰，ViuTV嘅女子格鬥真人騷《G-1格鬥會》最終王者將於後日誕生。成功進身決賽嘅郭思琳和唐紫睿（Hazel）是非不絕，但大家都似乎忽略咗佢哋艱苦嘅鍛煉過程！向來弱質纖纖嘅思琳挑戰體能極限，賽前找來世界級柔術高手MikePowers同香港健美先生ColaChan（陳浩然）進行特訓，分別教授柔術和重力訓練。
Mike來頭唔少，曾獲多屆全美巴西柔術（BJJ）冠軍及泛美巴西柔術冠軍，仲曾經喺電影《激戰》做動作指導，教張家輝和彭于晏柔術格鬥技，Mike多年來收逾百學生，但今次就破例收思琳做首位入室女徒弟。Mike話﹕「睇到佢內在潛質，裏面有一隻老虎仔，見佢精神上比體力上更有戰鬥力，好努力咁去打比賽，以佢為榮。」
日前思琳喺旺角一間健身中心同Mike進行BJJ訓練，Mike完全冇憐香惜玉，一埋牙就使出「斷頭台」，將思琳的頭夾在腋下，動作相當危險，未經訓練千萬唔好試。之後Mike再教思琳頸鎖、腕挫十字固、木村鎖和雙腳抱摔，由於每個動作都需要極大體力，思琳肌肉及爆炸力不足，所以賽前一個月再搵Cola進行重力訓練，每組動作都要加負重量，思琳話﹕「Mike對我嚟講係天使，有時都會用軟功氹我，但Cola就係地獄教練，完全唔當我係一個女仔，但反而將我鍛練得更堅強，知道眼淚唔值錢。」
不過，比賽期間思琳身體多處地方受傷，諗起傷患仍然眼濕濕說：「真係冇諗過咁激烈同會受重傷，我唔係專業拳手，唔識lock實拳頭就出拳，手腕受過傷，踢人時腳趾公關節又屈到，o依家着高踭鞋都痛。因為帶住傷去比賽，左邊胸骨出現撕裂，仲有尾龍骨同左手關節都受過傷。」雖然過程好辛苦，但坎坷過後有艇搭，思琳表示從中亦有裨益：「比賽期間我戒咗煙、酒同安眠藥，成個life改變咗，都要多謝呢個節目。」
場地：FightFactoryGymLimited
髮型：NaziaHamid
備註：以下動作均經專人訓練，切勿模仿！
Mike來頭唔少，曾獲多屆全美巴西柔術（BJJ）冠軍及泛美巴西柔術冠軍，仲曾經喺電影《激戰》做動作指導，教張家輝和彭于晏柔術格鬥技，Mike多年來收逾百學生，但今次就破例收思琳做首位入室女徒弟。Mike話﹕「睇到佢內在潛質，裏面有一隻老虎仔，見佢精神上比體力上更有戰鬥力，好努力咁去打比賽，以佢為榮。」
日前思琳喺旺角一間健身中心同Mike進行BJJ訓練，Mike完全冇憐香惜玉，一埋牙就使出「斷頭台」，將思琳的頭夾在腋下，動作相當危險，未經訓練千萬唔好試。之後Mike再教思琳頸鎖、腕挫十字固、木村鎖和雙腳抱摔，由於每個動作都需要極大體力，思琳肌肉及爆炸力不足，所以賽前一個月再搵Cola進行重力訓練，每組動作都要加負重量，思琳話﹕「Mike對我嚟講係天使，有時都會用軟功氹我，但Cola就係地獄教練，完全唔當我係一個女仔，但反而將我鍛練得更堅強，知道眼淚唔值錢。」
不過，比賽期間思琳身體多處地方受傷，諗起傷患仍然眼濕濕說：「真係冇諗過咁激烈同會受重傷，我唔係專業拳手，唔識lock實拳頭就出拳，手腕受過傷，踢人時腳趾公關節又屈到，o依家着高踭鞋都痛。因為帶住傷去比賽，左邊胸骨出現撕裂，仲有尾龍骨同左手關節都受過傷。」雖然過程好辛苦，但坎坷過後有艇搭，思琳表示從中亦有裨益：「比賽期間我戒咗煙、酒同安眠藥，成個life改變咗，都要多謝呢個節目。」
場地：FightFactoryGymLimited
髮型：NaziaHamid
備註：以下動作均經專人訓練，切勿模仿！