上海A股繼續上揚，視所謂遏抑措施如無物。不過，市場怕宏調推倒A股，繼而拖累港股，分析無疑「正路」，但內地股市特質是巨大資金追逐有限股票，所以星俠認為，後市A股榮辱始終還看市場購買力，以干預措施角度去評估後市，或許會有偏差。
A50中國基金（2823）升到你唔信，不少冇買的散戶大歎走寶，想搵另一隻慰藉心靈，不妨考慮已橫行3個月的招商局中國基金（133）。

與A50不同，招商基金並非跟蹤指數，而是主動型投資基金，主要投資在中國非上市企業，涵蓋金融及地產業。未上市並不重要，時機一到，就可以搞上市，好似其持有的招商銀行（3968）及興業銀行上市之後，盤數一反映價值，即水漲船高。
組合內持有招商證券、興業證券、中誠信託投資等資產，近年A股大牛市賺到笑，個別更打算趁A股大旺而增資擴股搞上市，側聞招商證券已開始進行部署，招商基金有機炒上，股價若突破年初高位26.15元，上望30元。