剛周日（8日）晚戰友社交群組又吐苦水，話賭騎師王搵笨，呢期睇好田泰安有機會贏3場甚至更多，見騎師王初盤有成15倍，好難唔買，結果都係中伏！

戰友眼光唔差，田泰安剛周日的確中三元，累積攞成48分，不過騎師王仍然無份，因為雷神同日仲勁，總共得64分。

認識不少戰友，下注騎師王時都有同一手勢，就是覺得自己心水的騎師有可能贏3W甚至更多，以目前騎師王一場頭馬值12分，如有36分在手，應該好大機會贏到馬會。

但翻看馬會騎師王統計，截至剛周日賽後，雷神今季賽日平均攞34.4分，如閣下揀的騎師王，並無十足把握一日贏三場，起碼要預輸畀雷神！

而近10次賽事，雷神有兩期停賽，餘下8次亦只有三日跑少過36分，賽日平均分更高達38.5。

所以，如果要買非雷神甚至潘頓做騎師王，單賭該騎師WP過關又或層層叠全日追纜，反而可避免贏眼光但無派彩。

回說周三（11日）晚何澤堯手執重兵，有機會多捷，不妨用作自製過關。

第六場四班1650米「精彩飛動」剛戰谷草一哩末段困死仍輸近，計馬季初還在三班同程強組奪亞，如今重拾進度於四班交鋒，今次有力在何澤堯胯下重啟勝門。

至於第七場三班1200米「大紅包」剛戰谷草千二埋門賭到着格，結果何澤堯末段選當晚不利的內叠趕上，依然輕鬆取勝，今次人馬排一檔乘勝追擊，如虎添翼。

-------------
【馬後炮】520萬拍賣馬一步都冇！
棟哥繼續鬧爆呃錢馬呃錢騎師！
-------------
【足總主席專訪】曾填錯飛都中580萬三T！
貝鈞奇：年青一代要發揮港人永不放棄精神
-------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
------------------
《果GYM》隨身播 　健身壹App過！
一按即玩