「高峯上不成」,原來周柏豪唱人亦都唱自己。周柏豪原訂下周二(8日)舉行久違了的online fans見面會,合作商場apm上星期開始在facebook為活動宣傳,稱呼周柏豪為「人氣歌手」,又落tag「男神」,而周柏豪facebook專頁差不多時間都有同一宣傳。原本活動谷fans消費及換取與偶像對話機會,可惜想像與現實有太多落差,真心fans留言僅小貓兩三隻,甚至難得地有大陸fans以簡體字留言,其餘大部份人湧入派嬲,覺得商場搵錯合作對象兼趕客,形容周柏豪已過氣,又懷疑「北上撈唔掂咩?有冇叻哥撐場?」建議他再唱《一事無成》應一應景。