一向講求「態度」的寸嘴才女王迪詩（Daisy），早前為一個護膚品牌活動擔任嘉賓，就以揀男人比喻揀護膚品，大談現今女性應有的護膚態度，教精各位絲打。Daisy認為男人和護膚品一樣，就算外表包裝得多尊貴，若不適合自己，勉強也沒幸福。「有自信嘅女人，係唔需要logo，smart woman就要有smart choice。」但女人始終需要經過歷練才會變得「識揀」。Daisy都說自己以前沒有經驗，難免會人云亦云，以為愈貴愈好，現在經驗多了，就發現要買得物有所值。更斷言，若然效果不好，送都沒用。

除了寫作，Daisy近來更於電台開咪、作曲填詞、早前更出版《STYLE》，分享何為「美」，「我覺得香港女仔有啲係好有style，但亦有啲唔夠喜歡自己，所以我出本書同大家分享扮靚心得，提醒大家要欣賞自己、喜歡自己，更要識得揀乜嘢適合自己。」生活忙碌，但Daisy笑稱過得非常充實，並為臨近的新talk show《王迪詩寸嘴講２—香港應該有條人渣村》作好準備。「我好享受忙碌嘅感覺，因為我鍾意試新嘢。我做過九份工，你都估到我超級喜歡試新嘢！做人要製造多啲驚喜畀自己，同埋應該跳出comfort zone，唔係會好悶！」最後Daisy贈言：「女人一定要有自己嘅想法同態度。係我去揀生活，唔好俾生活去揀我，總之一句：做女人，一定要識揀！」
特約報道