一年唔知舉行幾多次嘅「華鼎獎」，今日又嚟啦，今晚喺澳門舉行第十五屆頒獎典禮，下午本來4點半左右開始行紅地毯，不過就遲咗成大半個鐘先開始。

行紅地毯一向係女星晒行頭同身材嘅好機會，今晚最性感嘅係低胸徐子珊，佢拖住老外高層FrankTiemann進場，而佘詩曼喺性感上就比子珊略為失色，不過條裙嘅剪裁都好突出阿佘嘅美好身段，十分高貴。

而黃聖依就以透視裝行紅毯，十分誘人，但喱士質地略嫌有啲娘兼唔多高貴，而林峯及黃秋生就聯同老闆楊受成現身，仲拖埋衛詩雅出場，佢一身粉紅色晚裝顯得十分青春。