今季由比歷連尼出任領隊嘅韋斯咸,喺英超開季以嚟四戰俱敗,周日作客面對四戰不敗嘅愛華頓,陣容方面同對狼隊嗰場做咗了六個調動。其中,首度正選喺聯賽為「槌仔」披甲嘅耶莫蘭高,開賽11分鐘就接應阿拿奧杜域傳送後射入,槌仔領先1:0。31分鐘,麥克盧保助攻予耶莫蘭高,後者助槌仔領先至2:0。
雖然「拖肥」喺上半場補時由基菲爾施古臣頭槌頂入而追成1:2,但阿拿奧杜域喺61分鐘接應奧比安嘅傳送後亦建一功,槌仔幫最終以3:1戰勝拖肥,打破咗後者今季不敗之身。韋斯咸取得今季首捷後,以五戰得三分升上英超第16位,愛華頓以一勝三和一負得六分排喺第10位。