【蕭正楠唔使驚！】黃翠如撻人妻身份 力抗狂蜂浪蝶
蘋果日報 2019/09/19 17:52
黃翠如唐詩詠蕭正楠
黃翠如今日在銅鑼灣出席品酒活動，其間更示範煮鮑魚，她自稱酒量不錯不會喝醉，當問到是否千杯不醉，她說：「兩杯紅酒杯份量，我已經比起好多人酒量好。」
翠如表示自己曾經醉到斷片，故之後決定不會再飲醉：「多年前啱啱入行同壞分子陸浩明，約埋成班同事去咗蘭桂坊飲酒唔知飲咗乜，嘔得好緊要，嘔完暈咗，決定唔會畀自己醉，好醜怪。」相比起自己，翠如指老公蕭正楠是真正好酒量及有自制能力：「但試過飲多兩杯有醉意，會自己同自己講嘢，又會唱歌。」
翠如早前和唐詩詠到美國工作，詩詠自爆踩單車後獲意國男獻吻，翠如說：「我都覺得奇怪，佢哋不斷傾偈，最後個意大利男錫咗佢面，啜一聲，我都希望佢有異地戀出去玩吓。」翠如表示自己常表達人妻身份，不會惹狂蜂浪蝶。而此行兩人在美國工作後多留兩天遊玩，因而錯過在港過中秋，翠如說：「我都有啲心虛，追月嗰日返到嚟，同阿蕭去咗搵月亮，見到月亮十秒後佢就話要返屋企。」
採訪：卓寶花、攝影：仇志德
（攝影：仇志德、IG圖片）
黃翠如表示自己經常會表明人妻身份，故不會招惹狂蜂浪蝶。
翠如爆老友唐詩詠，被意大利男錫面時錫到啜一聲。