美國百變天后Lady GaGa為全新大碟《Joanne》再去日本宣傳，今次係佢第9次訪日宣傳，噚日抵達成田機場吸引咗成300粉絲接機。

GaGa今次到日本依然獲得粉絲及傳媒熱烈歡迎，今早佢就應NTV晨早直播節目擔任嘉賓，GaGa以一身低胸嘅超高衩裙現身，晨早流流露半球，佢即場彈鋼琴激情演繹新歌《Perfect Illusion》，而節目知道GaGa鍾意Hello Kitty，獲專登請來Hello Kitty設計師山口裕子驚喜現身，二人甫見面即熱情擁抱，山口裕子向GaGa送上特別版Hello Kitty以及一件掛滿Sanrio公仔嘅外套，令GaGa相當高興，更即時穿上身拍照留念。