英國巨肺天后Adele身家估計超過8,500萬英鎊（逾9億港元），不過佢依然好鍾意買平價貨。Adele近日去咗美國開騷，佢自爆開騷前去咗場地附近嘅商場Shopping，去連鎖店H&M買衫。

不過億萬富婆Adele用信用卡俾錢時，張卡竟然用唔到，令佢相當尷尬。佢自爆當時好在冇人認得出佢，不過佢都超驚。其實佢喺美國成日都素顏出動，試過去另一連鎖店Target買衫，收銀員亦都唔認得佢。Adele之前又好鍾意去Primark買10蚊底褲着。