當年今日
關於我們

張耀榮唔敢同T富商聯絡

蘋果日報 2009/02/25 06:00


鄧姓鞋王T富商原來與演唱會之父張耀榮份屬親家,對於傳媒踢爆T富商三奶李姿霆暗地偷食搭上港男黃長發,張耀榮昨日表示因與T富商份屬親戚,這段期間若聯絡問候對方反而會顯得尷尬。
張耀榮昨日透露Karen和黃長發的戀情未浮面前,上月T富商搞春茗時還邀約他出席,他在電話中說:「我都唔想喺呢個敏感時候搵佢,好似『潤』佢咁,如果我俾人柴台,都唔想人哋煩我,大家親戚講呢啲嘢好冇癮。」
問到張耀榮覺得親家T富商人品如何時,他說:「佢個人雖然古板,但為人好風趣。」根據T富商提供的照片,Karen於02年曾出席張耀榮女兒與T富商兒子的婚宴,問到T富商當時可有把三奶Karen介紹給他認識時,張耀榮說:「佢冇介紹過啲女朋友我識,我亦冇印象Karen有嚟我個女嘅婚宴。」不過他大讚T富商對待兒媳相當闊綽。
對於T富商與三奶Karen及黃長發的三角鬧劇,張耀榮說:「其實男女之間嘅嘢,好嚟好去咪算囉。」覺得T富商是否應撇甩三奶Karen?他說:「人哋嘅家事,我都唔理得咁多。」
採訪:比華利
T富商、三奶Karen及黃長發一段「三角誌」,牽涉其中的人越來越多,就連演唱會之父張耀榮也被拖落水,皆因T富商與張耀榮原來有姻親關係。
02年T富商與元配朱錦韶所生的二公子鄧偉業,在會展GrandHall豪花百萬筵開150席,迎娶張耀榮與二姨太所生的女兒張麗芳。當晚T富商拖實元配主婚,又邀請當時剛撻着的三奶Karen飲宴;至於張耀榮的正室和二姨太當晚也鮮有地同場,兩位親家老爺各享齊人之福,更「巧合」是賭王何鴻燊也是座上客,還帶同四姨太梁安琪到賀,三個男人事業有成兼妻妾成群,肯定教不少男士既羨且妒。