「無端端」、「局勢緊張」、「又話人行有嘢搞，仲估係加印，點知係舖路俾銀行執笠嘅有上限存款保障計畫」，嘩！真係有冇搞錯！今日孫柏文問一百個人，得到一百個對於點解跌620點嘅唔同解釋。真係搞到我好似湯家驊個做人態度咁，百思不得其解。

當然，睇阿曹Sir曹仁超個解釋最合我合尺，因為始終我哋特區係美元區，佢哋尚未再印鈔，所以資產價格下跌係最合情理。而尋日呢種跌勢，呢種表面冇壓倒性理由嘅跌勢先至係最令人嚇驚，因為可能純粹係市場上已冇買家，得番啲人不問價沽。仲要係連中、細價股一樣遭殃，買家罷市味極濃。

冇買家亦可能係因為世界經濟唔掂，不過你填鴨式教育出生，睇埋啲官方「數據」所以話冇。但係齋睇油價，冇供應地有大事幹增產下都跌到一個七皮，對我已經係世界經濟表現嘅最佳反映。當年97亞洲金融風暴，只係啲東南亞為主嘅發展中國家出事，油價都跌超過一半，差不多跌穿十蚊一桶油。當年我喺美國讀書，一加侖最用心提煉嘅電油，平過一加侖水喉開嘅「礦泉水」。

此文為節錄，全文請留意明日蘋果日報投資版。