劉嘉玲、曾演荷李活電影《標殺令》（KillBill）嘅日本女星栗山千明、韓劇《壞男人》男主角金南佶等，今晚到金鐘出席「酩悅亞洲電影特別大獎頒獎禮」，栗山千明及金南佶獲頒亞洲飛躍演員大獎，嘉玲及甄子丹則獲傑出亞洲演員大獎。

嘉玲認為獲獎是對其工作嘅肯定，佢話：「可以鼓勵我事業做得更好，不過我唔會增加拍戲量，有時付出多未必一定成功，但要成功就一定要付出。」

至於宇宙最強甄子丹一向擅拍功夫武打片，動作巨星，今次與嘉玲同獲傑出亞洲演員大獎，問其覺得自己是否實至名歸？子丹話：「希望係，有人認可你，我冇白做，開唔開心都繼續工作。」有記者話子丹奪獎後可推動佢拍攝難度更高嘅角色，子丹就話：「每部戲都做到最好，呢幾年都大膽嘗試豁出去。」得獎後，子丹將會擔任亞洲電影大獎評審，佢話已經投咗票，並會公道公正選出得獎者。

栗山千明獲頒亞洲飛躍演員大，佢話好開心，亦渴望同香港藝人合作拍戲。至於首度來港嘅金南佶大讚香港夜景如寶石般美麗，他並表示希望能夠和梁朝偉合作：「我亦好喜歡張國榮，可惜已無機會合作。」