當年今日
關於我們

【子健講馬】曾幾何時 遇過咁渣對手?

蘋果日報 2017/06/16 23:59

蘇保羅曾幾何時子健講馬咁渣對手

季尾會多人吼未贏馬,或稱未交代馬,有此想法朋友非不正常,始終覺得鬥志鮮明。
不過也要盡量克制此心理因素,因不代表贏過、贏開的馬會收夠籌,仍要以多角度評估,唔係未贏大晒!一日有近百匹馬跑,未贏過馬何其多,揀選仍要堅持有一定準則。
周日(18日)有兩場泥地1650米,第四場四班14匹馬,季內未贏的有六匹,即這場有近一半馬未交代。
贏過的「想贏就贏」似難突破,「靚加加」由上次1檔變14檔,「威勢之寶」流鼻血後復出表現一般,「紅駿之星」返回四班後演出大走樣,「有衝勁」泥地欠根據,「五星特工」跑落證明身處四班無把握贏,「搖錢樹」近兩仗太差。
數落對上述六匹未贏馬,闖關成功指數應不低,結合近績、準備誠意等準則,蘇保羅的「曾幾何時」最有資格。
今季直至上賽轉爭泥地,方能取得小突破,遇上快步速形勢,能夠力逼「無限欣賞」,賽績雖不算特別,然而結合當日場地大利前置偏差,沿途守中間位置的「曾幾何時」根本無賺到,可以跑第二,證明泥地性能確不俗,也說明泥地對手比草地確弱一截。
今次唞個多月,賽前試埋大閘,等季內四班泥地中距離最後一戰再跑,亦令人感受到求贏決心。