759阿信屋分店遍佈全港，不少商場業主都對這個「客仔」讚不絕口。「爽快」、「易夾」、「親力親為」是業主們普遍對阿信屋老闆林偉駿的評價。有地產商執行董事直言，林偉駿似是一面鏡子，令自己反思做人做事都有更大的進步空間，讚揚林老闆是一個「睇唔到自己成功」的謙厚實業家。

阿信屋曾一度有近30間分店位於新地（016）部分民生區商場，新鴻基地產（中國）執行董事馮秀炎表示，跟林偉駿有過飯局之緣。她憶述，當時林偉駿笑指自己飲食無定時， 她有勸告對方注意健康小心身體。林生事事親力親為，非常勤奮，「我都有見過佢嘅團隊，相當年青，覺得佢好肯用人」，年輕人也非常尊重他。

談到林生為人，馮秀炎直言：「佢睇唔到自己成功，佢覺得自己靠運氣，靠勤力， 覺得自己好亂、晚晚做到好夜」，為人客氣低調，是一個非常謙厚的實業家。

阿信屋迅速發展的時間，馮秀炎多在國內工作，無緣跟林偉駿由合作伙伴變成朋友，感到可惜。她直言，林偉駿似是一面鏡子，令自己看到自己做人，甚至工作上有提升和進步的空間，「宜家份工好似好舒服」，她笑說，「其實自己都可以做得好啲」，林偉駿令她提醒自己工作要更有視野 、更落地，令團隊更有凝聚力。

位於九展的阿信屋超市，可說是云云200間分店中的巨舖之一。合和資產管理有限公司董事梁庇世說，該舖於2014年初租予阿信屋，當年九展翻新商場，希望加入更多零售元素，故主動找上林偉駿。「林生好親力親為，搵舖自己傾」，（為何不找其他超市、大集團？）「我哋可以直接同老闆傾嘅時候呢，林生個人比較爽快，我哋有啲咩佢覺得合理，佢會即刻支持」，梁庇世坦言，阿信屋屬中小企「易夾」，大集團講程序講架構，「有咩promotion（宣傳）之類急起上嚟要做，有時係比較難傾」，所以公司傾向與阿信屋合作，後來到阿信屋找上合和，在九展開設759車仔麵。

梁庇世說，對業主而言，這租客稱得上非常好，「準時交租，我哋有咩活動，佢哋（阿信屋）都好支持」。他也跟林偉駿吃過飯，雖然傾生意為主，但梁庇世說：「感覺佢係一個好有能力嘅人，生意管得好細，某啲老闆可能淨係管大數，佢唔係，管得好細，親力親為，好犀利」，如今林偉駿與世長辭，梁庇世相信其家人會秉承林老闆的理念，繼續做好阿信屋。

記者：邱曉欣、高淑嫻

全球樓行 Dream House零距離
https://hk.feature.appledaily.com/overseasproperty