NBA總決賽在香港時間周五就會開打，《NBA級Talk》今晚請來「籃球博士」張丕德（Peter）、本報名家仙道彬以及神秘嘉賓兼港隊名宿「翁sir」翁金驊一齊傾下波經，預測今屆NBA總冠軍花落誰家。三位名家都一致認同勇士會笑到最後，而驊哥更穿上勇士t-shirt出席，看好勇士捧硬冠軍。

其實今晚本來還有另一位名家，不過他去了遠征多倫多支持愛隊，這樣心繫速龍就當然是名家丘雨勤喇！言歸正傳，驊哥其實並不是一面倒傾向勇士的，他也很欣賞速龍的防守，這支多倫多球隊無論在守波、補位上都十分稱職，就在東岸決賽淘汰公鹿的賽事，針對對方主將「字母哥」G安迪度安寶（Giannis Antetokounmpo）的防守做得相當好，尤其速龍教練奴斯（Nick Nurse）安排「可愛」尼納特（Kawhi Leonard）去守字母哥，結果效果非常好，奴斯在防守上的調動亦應記一功。在進攻層面，Kawhi同樣是位多板斧的球員，得分手法眾多之餘，亦可以製造空位為隊友傳送助攻，因此他的助攻數字亦相當靚仔，而且「可愛」身體質素亦非常好，不過要留意的是他的腳傷和背傷。

Kawhi一個打天下，而且一班後備近場發揮出色，尤其是VV尹維特（Fred VanVleet），加上首兩場有主場之利，驊哥就認為速龍可以「偷雞」贏到兩場。至於勇士，明星控衛史堤芬居里（Stephen Curry）和祖蒙特格連（Draymond Green）越打越好，尤其「咖喱仔」的防守更見進步，造就勇士非常優秀的防守。雖然未知道KD第二戰可不可以復出，不過驊哥指KD這類穩陣得分的球員相當難搵，他運用技術的技巧亦相當高，三位名家都一致認同勇士沒了KD是沒有可能「勁啲」。勇士和速龍兩隊之間的比較，是頂級球員和一線球員的分別，驊哥就睇好勇士贏4:2拎冠軍。

--------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------
最強球星 頂尖球會 經典決賽
盡在《最巔歐聯》101頁電子書
https://hk.adai.ly/lvH2IGhy1W
--------------------
《體蘋果》陪你睇波講波
https://www.fb.com/appledailysports