奧斯卡影后珍妮花羅倫絲（Jennifer Lawrence）同導演男友Darren Aronofsky拍拖接近一年，雖然多次被影到一齊，但就從來冇大大方方合過照，即使最近馬不停蹄宣傳新片《媽媽！》（Mother! ），都唔肯一齊影相。不過唔知係咪因為電影劣評眾多，珍妮花呢排都好努力谷氣，又多次性感示人，終於日前於紐約首映中同男友大方合照，係拍拖以嚟第一次！

27歲嘅珍妮花舊年10月傳出同48歲嘅Darren Aronofsky祕戀，二人因《媽媽！》而定情，仲因為相差21歲被認為係「父女戀」，不過一直都將戀情收得好埋，早前無論威尼斯影展定倫敦首映，都唔肯一齊合照，不過是前終於肯大方面對記者鏡頭，所以二人感情應該好穩定！