配音界前輩丁羽，最近相繼痛失愛妻與愛徒。執手同行數十載的妻子周歐陽淑蘭早前因心臟病離世，終年69歲；丁羽叔一手提攜的大弟子、叮噹配音師林保全，亦於本月二日在家中猝逝，終年63歲。

走得太急，沒機會道別。保全叔的公祭儀式將於本月30及31日舉行，而丁羽叔與譚炳文亦會於保全叔喪禮上為愛徒扶靈；至於丁羽叔的亡妻，則於今日在紅磡世界殯儀館設靈。

丁羽叔大約四時半抵達靈堂，向亡妻上香，未幾坐了下來，不住拭淚。丁羽叔表示，愛妻的喪禮將採用佛教儀式進行，原來她生前是星雲大徒弟。丁羽又表示，愛妻常常到老人院做義工，包括派米、為長者梳頭扮靚等等，也不時為電影客串化妝數天，在圈中甚獲敬重。

丁羽叔談及心情是否已平伏了的時候，想了想，說:「心情？」然後哽咽哭了，令人鼻酸。

丁羽叔再說:「都幾廿年，佢走嘅時候，我真係好傷心好傷心，返到去就對住四面牆，好彩有仔女陪我。佢哋叫我喺呢段時間同佢哋住，我話我不嬲同媽咪一齊住，唔使喇。心情依家好啲，睇開咗啲，佢走嘅時候都叫走得舒服。佢生前好多病痛，做過手術通波仔又血壓高，嗰晚之前都冇嘢，仲同佢食羊架，佢最鍾意係羊架。第二朝起身，我仲話:『老婆，去飲茶囉！』洗完面再叫都唔醒，摸下佢，已經……」