45歲的葉玉卿近期帶女兒回港拍曾志偉的賀歲片,卿卿一向生活富貴,不過今日就有報導指老公胡兆明其實近年陷入財困,債主臨門。
今日卿卿在黃埔下榻的酒店開記者會,和大女Victoria一齊出現,女兒全程為她錄音及影相。卿卿表示本不想開記者會,「但一定要澄清,內容好多影響我老公聲譽及名譽」。
卿卿承認兩架私人飛機被扣押,但主因是美國經濟差,銀行自行轉按:「我地已經還1400幾萬美元,但對方唔明點解仲唔還番俾我o地,我o地而家仲告緊佢o地。」
她又大方承認老公的網上旅行社破產,更自爆曾蝕過2千萬美元,她豪言:「蝕得起!對我地經濟絕對沒影響。」但對老公銀行被指是蚊形銀行的小股東,卿卿就有點勞氣:「我唔明咩叫蚊形銀行,我先生佔7成,係大股東,我o地有50個員工,2萬呎地!」