韓國神劇《太陽的後裔》嘅宋仲基同宋慧喬已於今年10月31日舉行世紀婚禮，去年未公開戀情嘅雙宋於除夕齊齊喺《KBS演技大賞》上奪大獎，事後宋仲基曾表示當時係二人最相愛嘅時期。

而照《KBS演技大賞》慣例，去年奪大獎嘅得獎者將會擔任今年大獎嘅頒獎嘉賓，雙宋有望合體，而今日宋仲基方面就確認會出席《KBS演技大賞》，但喬妹方面就未公佈是否出席。除咗宋仲基出席外，師弟朴寶劍和金裕貞亦確定出席。

另外，新婚喬妹未有因為成為人妻而令廣告商卻步，根據韓國傳媒報道，喬妹將成為護膚品牌雪花秀嘅代言人，原來品牌自1997年成立以來從未有韓星做代言人，喬妹將會係首位擔任代言人，預計明年4月就會有喬妹代言照及產品推出。

更多韓流，喺晒《娛果》
http://fb.com/appledailyent