憑韓劇《來自星星的你》中飾演「輝京」而人氣急升嘅朴海鎮,佢上月底先啱啱拍畢另一齣韓劇《壞傢伙們》,噚日韓國方面就已經傳來消息話佢有望接拍KBS新劇《吸血鬼儒生》,據知朴海鎮依家仲係考慮階段,而KBS相關人士就話:「朴海鎮係各個方面都非常適合出演呢部劇,相信一定能得到觀眾嘅喜愛。」若成事嘅話,劇集就會係明年下半年開播。
其實今年2月已有報道話金秀賢所屬經理人公司KEYEAST嘅子公司已購買咗《吸血鬼儒生》嘅版權,當時仲傳出金秀賢好大機會成為男主角,演繹吸血鬼書生一角,不過最終只聞樓梯聲,未見開拍。