祥嫂、黃夏蕙、新馬仔徒弟彭熾權、曾慧等人，今日去到黃埔博藝會，出席紅線女大徒弟郭鳳女壽宴。祥嫂早前喺魯芬喪禮上，激動痛哭怒斥鄧兆尊為求復出娛圈、故一拖三任影博出位，失禮祥哥云云，更感謂：「後生就死，該死唔死！」(新聞連結： http://bit.ly/2kYsw8E )

今晚身穿皮褸嘅祥嫂，精神奕奕嚟到，一到場，即急不及待上台，同主人家一齊切蛋糕，仲同夏蕙姨送上一對金雞畀郭鳳女做生日禮物，又輕扭纖腰一齊唱生日歌。

上月先至由弟婦陪伴下到養和睇腰骨舊患嘅祥嫂，似乎康復得好快，上次入院要坐輪椅，之前拜祭魯芬亦需黃夏蕙相扶，今次完全唔使，似乎康復進度理想。但到埋位做訪問時，祥嫂話原來佢仲痛㗎。

祥嫂做訪問嗰陣，頭先喺台上笑晒輕扭腰嘅佢，突然動作緩慢，本來笑笑口嘅佢亦馬上收起笑容，一臉痛苦，企咗十幾秒仲話自己坐唔到。待聽到兆尊個名，更傷心地連聲說：「我暈喇我暈喇。」

原來今晚祥嫂係死頂上陣，仲一嚟到就叫大家手下留情，仲話自己始終都係一個病人，腰患未癒，之後佢又叫大家畀杯暖水佢飲、畀凳佢坐。

一開始祥嫂就話好緊張，夏蕙姨就同祥嫂講：「唔使緊張，今日都係人哋生日，戥人哋開心！」之後祥嫂就講番佢嘅腰患，佢話：「我有腰患，今日都係打完針先嚟，當年陀兆尊時跌親o依家有舊患。」

最衰都係兆尊啦……

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。