陳偉霆（William）對於自己擔正嘅《紮職》十分緊張，噚晚出席首映時已經話﹕「已睇過部戲，感覺良好，係睇唔慣自己死，唔鍾意我嘅人可以入嚟睇，睇我死得幾痛快。」未知一眾「而我不知陳偉霆是誰」嘅網民，有冇興趣真金白銀買飛入去睇？

問到有否邀請女友蔡卓妍（阿Sa）撐場？他指這是男人戲，未知佢可有興趣睇血腥戲，又再次強調介意與阿Sa情侶檔演出，怕大家嘅焦點放在兩人身上。