博君眼紅紅、聲震震說:「我特別多謝薛凱琪,我唔識佢,佢私人捐咗少少錢畀我,人間真係有情。藝進會邊個捐助我幾多,有張清單,睇到劉德華都有捐,大家都好有心。」還有博君的前任老闆,對他亦有情有義:「患病前最後嗰份工,喺一間公司做清潔雜務,入咗安老院,老闆應承每個月津貼我5,000蚊費用,為期兩年,我都嚇咗一跳。」他哽咽說:「世間上竟然有咁好嘅人,真係好開心,我由一個好絕望,變番充滿希望嘅人。」
不認識博君都伸出援手的薛凱琪在電話說:「今年做咗演藝人協會委員,有日志偉將呢件事通知大家,我唔識佢本人,捐咗少少錢畀佢,想佢知道有好多人愛佢。」吳博君現除定期到醫院做物理治療,亦在艾威介紹下看中醫,艾威在電話表示:「𠵱家佢由好灰變得有希望。」
採訪:余燕儀
攝影:林德雄、沈健程